სამოქალაქო სამართალი

 ჩვენ გთავაზობთ: სამეწარმეო სუბიექტების (შეზღუდული პასუხისმგებლობის საზოგადოების, სააქციო საზოგადოების, სოლიდარული პასუხისმგებლობის საზოგადოების, კომანდიტური საზოგადოების, კოოპერატივის, ინდივიდუალური მეწარმის,სამეწარმეო ამხანაგობის და არასამეწარმეო (არაკომერციული) იურიდიული პირების) პირველად რეგისტრაციას, რეგისტრაციაში ცვლილებებს, რეორგანიზაციის პროცესის წარმოებას, ფილიალების, მათ შორის უცხო ქვეყნის საწარმოს ფილიალების დარეგისტრირებას, საწარმოს რედომიცილება .

 ჩვენ აგრეთვე დაგეხმარებით კომპანიის ორგანიზაციულ-სამართლებრივი ფორმის შერჩევასა და კომპანიის კორპორაციულ სტრუქტურირებაში. ბიზნეს გარიგებების საწარმოებლად სამეწარმეო სუბიექტისათვის ყველაზე მისაღები კონტრაქტის დადების მიზნით, გაგიწევთ იურიდიულ კონსულტაციას და გავაანალიზებთ თქვენს სამართლებრივ პრობლემას.

ჩვენ დავიცავთ თქვენს უფლებებს სახელშეკრულებლო ურთიერთობებიდან წარმოშობილ დავებზე. აგრეთვე, გთავაზობთ უძრავ და მოძრავ ნივთებთან, უფლებებსა და მოთხოვნებთან დაკავშირებული ყველა სახის ხელშეკრულების მომზადებას, სამართლებრივ შემოწმებას,  მათგან წარმოშობილი დავების მოგვარებას (სესხი, ნასყიდობა გაცვლა, ჩუქება, ქირავნობა, ლიზინგი, იჯარა, ფრენშაიზინგი, თხოვება, გირავნობა, იპოთეკა, ნარდობა, შუამავლობა, მიბარება, წილის დათმობა და სხვა).

შრომითი სამართალი არის კერძო სამართლის სპეციალური დარგი, რომლის რეგულირების საგანია დამსაქმებლისა და დასაქმებულს შორის არსებული ურთიერთობები. შრომითი ურთიერთობიდან წარმოშობილ დავებზე გთავაზობთ წარმომადგენლობას საერთო სასამართოებში: სამსახურში აღდეგა, კომპენსაციის მიღება, განაცდური ხელფასის ანაზღაურება და სხვა.

გთავაზობთ, იურიდიულ მომსახურებას სახელშეკრულებო და კანონისმიერი ვალდებულების (საზიარო უფლებები, დავალების გარეშე სხვისი საქმეების შესრულება, უსაფუძვლო გამდიდრება, დელიქტები (მატერიალური და მორალური ზიანი) ) დარღვევიდან წარმოშობილ დავებზე.

 უძრავი ქონების შეძენა-გასხვისებასთან დაკავშირებულ საკითხებზე გთავაზობთ შემდეგი სახის მომსახურებებს: იურიდიული კონსულტაცია; უძრავ ქონებასთან დაკავშირებული ხელშეკრულებების მომზადებას; გაფორმებას და საჯარო რეესტრში მათ რეგისტრაციას; ინვესტორების სასარგებლოდ შესაძენი ქონების სამართლებრივი შეფასების ჩატარებას; პრივატიზაციის პროცესში კლიენტის ინტერესების წარმოდგენას; 

აგრეთვე დაგეხმარებით, მართლზომიერ მფლობელობაში ან სარგებლობაში არსებული თვითნებურად დაკავებულ სახელმწიფო საკუთრების მიწაზე დაინტერესებული პირის საკუთრების უფლების აღიარებასთან დაკავშირებული პროცედურების წარმართვაში: განცხადების შედგენა, კანონით დადგენილი მტკიცებულებებისა და დოკუმენტაციების მოძიება, წარმომადგენლობა სახელმწიფო ხელისუფლების შესაბამის ორგანოებთან და სხვა საჭირო პროცედურების განხორციელებას;

 გთავაზობთ სამეზობლო ურთიერთობებიდან გამომდინარე დავების მოგვარებას, უძრავი ქონების გამიჯვნის ხელშეკრულებების მომზადებას და მათ შესაბამის სრტუქტურაში რეგისტრაციას, წარმომადგენლობა სასამართლოში, მესამე პირებთან.

გთავაზობთ საოჯახო სამართალთან დაკავშირებულ შემდეგი სახის მომსახურებას:  საქორწინო კონტრაქტის შედგენა; მეუღლეთა შორის ინდივიდუალურ და საერთო საკუთრებასთან დაკავშირებულ დავებში უფლებების დაცვა; განქორწინებასთან, მშობლის უფლების ჩამორთმევასთან, მშობლის უფლების აღდგენასთან, ალიმენტის დაკისრებასთან, ალიმენტის ოდენობის შემცირება-გაზრდასა და სხვა საოჯახო საქმეებთან დაკავშირებული სარჩელების შედგენას, მტკიცებულებათა შეგროვებას, სასამართლოში წარმომადგენლობას, მხარის პირადი და ქონებრივი უფლებების დაცვას; 

ჩვენ დაგეხმარებით სამკვიდრო ქონების მიღებასთან დაკავშირებული საკითხების მოგვარებაში: წარმოგადგენთ საერთო სასამართლოებში; გაგიწევთ კონსულტაციას ანდერძის შედგენასთან დაკავშრებულ სამართლებრივ საკითხებზე; მემკვიდრეებს შორის არსებული დავის შემთხვევაში დავიცავთ მომხმარებლის ინტერესებს; დავიცავთ მემკვიდრეებისა და სხვა დაინტერესებულ მესამე პირთა კანონიერი ინტერესებს; აგრეთვე ვუზრუნველვყოფთ ანდერძის აღსრულებასთან დაკავშირებულ საკითხებს.

ჩვენ გთავაზობთ, ავტორის, საავტორო უფლების სხვა მფლობელის, მონაცემთა ბაზის დამამზადებლის საავტორო, ქონებრივი და პირადი არაქონებრივი უფლებების, აგრეთვე მათი მომიჯნავე უფლებების დაცვასა და მათი დარღვევით მიყენებული ზიანის ანაზღაურების უზრუნველყოფის მიზნით სასამართლოში წარმომადგენლობას. აგრეთვე, დაგეხმარებით საავტორო უფლებებისა და ავტორის ქონებრივი უფლებების გადაცემასთან (განსაკუთრებული და ჩვეულებრივი სალიცენზიო ხელშეკრულებები) ნაწარმოების შექმნასთან დაკავშირებული ხელშეკრულების მომზადება, გაფორმებაში.

გთავაზობთ სასამართლოს მიერ კანონიერ ძალაში შესული გადაწყვეტილების აღსრულების პროცესში იურიდიული მომსახურების გაწევას, წარმომადგენლობას სააღსრულებო ბიუროს შესაბამის სამსახურში, აგრეთვე აღსრულების მიზნით დანიშნულ აუქციონებში წარმომადგენლობას.